• Die persoonlike voorkoms en kleredrag van ‘n leerder moet oral waar die leerder as leerder van Hoërskool Heidelberg geïdentifiseer kan word, voldoen aan die welvoeglikheidsnorme wat, volgens die mening van die skoolhoof en gedelegeerde, normaalweg aanvaar word in die gemeenskap wat deur die skool bedien word. 
• Skooldrag soos neergelê, moet sonder versiering gedurende skoolure asook by buitemuurse skoolaktiwiteite gedra word, behalwe wanneer privaatdrag deur die skoolhoof gemagtig word.
• Alle kledingstukke, tasse en boeke moet duidelik gemerk word met die naam van die leerder. Onopgeëiste kledingstukke word, na aankondiging, verkoop.
• Die erekleure-, akademiese-, kultuur-, SWD- en Wes-Kaap lapelwapens van die skool mag slegs deur die leerders aan wie die spesifieke kleure toegeken is, gedra word. Die enigste ander lapelwapen wat gedra mag word, is die VCSV-wapen. Laasgenoemde mag slegs gedra word deur VCSV-lede wat 80% bywoning die voorafgaande jaar gehad het.

           Leerders moet te alle tye netjies wees.